Кветкі ў падарунак ветэранам
Стаяла цёплая майская раніца. Вучні Млажынскай сярэдняй шолы разам з настаўніцай Шчучэнкай Марынай Міхайлаўнай з кветкамі ў руках крочылі па вуліцы. Яны накіраваліся павіншаваць педагогаў-ветэранаў у рамках рэспубліканскай прафсаюзнай акцыі “Дзякуй за працу!“.
Кветкі ў падарунак ветэранам
Стаяла цёплая майская раніца. Вучні Млажынскай сярэдняй шолы разам з настаўніцай Шчучэнкай Марынай Міхайлаўнай з кветкамі ў руках крочылі па вуліцы. Яны накіраваліся павіншаваць педагогаў-ветэранаў у рамках рэспубліканскай прафсаюзнай акцыі “Дзякуй за працу!“.
Спачатку дзеці наведалі Супруненку Васіля Аляксеевіча, які многа год укладваў у развіццё роднай школы, працуючы ў ёй завучам і развіваючы фізічныя здольнасці вучняў на ўроках фізічнай культуры і спорту. Павіншавалі таксама Супруненку Людмілу Іванаўну, якая доўгі час выкладала ў школе матэматыку і заўсёды адказна ставілася да заняткаў. Уручылі паштоўку і кветкі Палявой Ніне Усцімаўне, якую былыя выпускнікі памятаюць як выкладчыцу біялогіі і гісторыі. Словы падзякі прагучалі ў адрас Давыдоўскага Івана Панцялеевіча, які аддаў шмат гадоў навучанню і выхаванню вучняў пачатковых класаў. Выпускнікі памятаюць гэтага строгага, але справядлівага і таленавітага педагога. Не абмінулі ўвагай і Сапегу Марыю Адамаўну з Харко Ганнай Іванаўнай, якія на працягу доўгага часу працавалі ў мясцовай школе тэхработнікамі і адказна ставіліся да сваіх абавязкаў. У вачах апошніх стаялі слёзы. Гэта былі слёзы радасці таго, што іх праца на карысць роднай школы не забыта, бо маладое пакаленне шануе і памятае ветэранаў.
Старшыня прафкама Малажынскай сярэдняй школы Шчучэнка Марына Міхайлаўна
